Kommunetilsette sine erfaringar med grønstruktur i kommunen sitt planarbeid : ein kvalitativ studie

Abstract

Bakgrunn: Folkehelsearbeid rettar innsats mot det som skapar god helse på befolkningsnivå. Grønstruktur er naturprega område i nærmiljøet, og har betyding for helse og trivsel gjennom fysisk aktivitet, sosial kontakt og stressreduksjon. For å ivareta grønstrukturen legg plan- og bygningslova føringar for planlegging og arealforvalting i Norge, og i det har kommunane ansvar for eige areal. Planlegging og planprosessar er ei kompleks utfordring, med omsyn til mange interesser. Grønstruktur er ein del av kulturelle økosystemtenester som gjev grunnlag for å ivareta naturen sin eigen verdi, samtidig som det er viktig folkehelsearbeid. Formål: Kunnskap om verdien av grønstruktur, og vidare inkludere dette i kommunen sitt planarbeid, har betyding for korleis grønstrukturen vert ivareteke. Formålet med prosjektet er difor å få innsikt i arbeidet som vert gjort, med utgangspunkt i grønstruktur som ein kvalitet for innbyggjarane. Metode: Dette er ein kvalitativ studie, der data er samla inn ved hjelp av semistrukturert intervju. I alt er det gjennomført fire intervju, med fem informantar. Informantane i studien er kommunetilsette som er kjent med grønstruktur som ein del av kommunal planlegging. Analysen er gjort etter systematisk tekstkondensering. Hovudfunn: Hovudfunna kan summerst som «verdifull grønstruktur», «press på grønstruktur» og «metodar for å ivareta grønstruktur». Ulike måtar å sjå verdien av grønstruktur har betyding for korleis den vert prioritert i kommunen sitt planarbeid. Press på grønstruktur er eit resultat av ulike interesser mellom utbyggjarar, brukarar og kommunen, og utfordrar arbeidet med ivaretaking. Metodar for å ivareta grønstruktur inneheld både kartbasert kunnskap, verdsettingsmetodar og brukarmedverknad, som er med å skape forståing for konsekvensen av at grønstruktur forsvinn. Konklusjon: Grønstruktur sin verdi for innbyggjarane vert ivareteke gjennom prioritering i kommunen sine planar. Statleg styring, kunnskapsgrunnlag og lokalt engasjement styrkar ivaretakinga. Utfordringane ligg fyst og fremst i samanhengane mellom det som står i planane og kva som skjer i praksis.

Background: Public health focuses on what creates good health at the population level. Green structure is a natural area in the local environment, and is important for mental and physical health through physical activity, social contact and stress reduction. In order to protect the green structure, The Planning and Building Act creates guidelines for planning and land management in Norway, with the municipalities having responsibility for their own area. Planning and planning processes are a complex challenge, which involves many different interested parties. Green structure is part of cultural ecosystem services that provide a basis for protecting nature's own value, at the same time as being important for public health. Purpose: Knowledge of the value of the green structure, and further including this in the municipality's planning work, is important for how the green structure is taken care of. The purpose of the project is therefore to gain insight into the work that is being done, based on the green structure's qualities for the inhabitants. Methodology: This is a qualitative study, where data has been collected using semi-structured interviews. A total of four interviews were conducted, with five informants. The informants in the study are municipal employees who are familiar with municipal planning in connection with green structure. The analysis was done after systematic text condensation. Main findings: The main findings can be summed up as «valuable green structure», «pressure on green structure» and «methods for maintaining green structure». Different ways of seeing the value of a green structure are important for how the green structure is prioritized in the municipality's planning work. Pressure on green structure is a result of different interests between developers, residents and the municipality, and challenges the work of protecting. Methods for maintaining green structure include both map-based knowledge, valuation methods and user participation, which helps to create an understanding of the consequence of reducing green structure. Conclusion: The value of the green structure for the inhabitants is safeguarded through prioritization in the municipality's plans. Government management, knowledge base and local involvement strengthen care. The challenge lies first and foremost in the connections between what is in the plans and what happens in practice.