Sluttrapport i prosjektet Grøntanleggshygiene 2011

Abstract

Internasjonal handel med plantemateriale spreier ulike skadeorganismar, noko som har store, negative konsekvensar for plantehelsa verda over. Spesielt hytophthora-artar har stort skadepotensiale og hadde difor hovudfokus i dette prosjektet. I fleire norske grøntanlegg har det vorte funne omfattande angrep av P. ramorum på rododendron , ein skadegjerar som har ført til epidemi ar på skog både i USA og England. I England er no om lag 3 million ar japanlerk (Larix kaempferi) felt på grunn av P. ramorum. I prosjektet Grøntanleggshygiene i 2011 fann vi P. ramorum i ei elv som renn gjennom Bryne sentrum og i ein bekk ved Gamlehaugen i Bergen. Vatn kan føra smitten med seg, så denne organismen er truleg spreidd langt utover grøntanlegg. Med eit klima langs vestlandskysten som liknar det ein har på vestkysten av England, kan vi ikkje utelukka at vi kan koma til å få epidemiske utbrot i skog-og naturområde også her i landet. I prosjektet fann vi også fleire andre Phytophthora-artar i vatn. I bøkeskogen i Larvik påviste vi angrep av P. cambivora, ein art som gjer stor skade på bøk mellom anna i Sverige. Vidare kartlegging og overvaking må difor ha høg prioritet framover.